ہزار کھولی شیخ عثمان ہائی اسکول میں خاتون کے ساتھ چھیڑ چھاڑ ، چیئرمین نے ٹیچر کے دانت توڑ دیئے

ہزار کھولی شیخ عثمان ہائی اسکول میں خاتون کی عزت پر حملہ

شیخ عثمان ہائی اسکول کے اخلاق احمد نے ٹیچر کے دانت توڑ دئیے 

مالیگاؤں(ہم بھارت/ شکیل پترکار) مقامی پولس کنٹرول روم سے حاصل تفصیلات کے مطابق مومن پورہ کا ساکن انصاری بلال احمد عبدالغفار نے عائشہ نگر پولیس اسٹیشن میں شکایت درج کرائی کہ ہزار کھولی علاقہ میں واقع شیخ عثمان ہائی اسکول کے ملزم اخلاق احمد محمد ایوب (ساکن ٹینشن چوک بڑا قبرستان کے سامنے) اور شبانہ اخلاق احمد کے علاوہ اقراء ناز اخلاق احمد نے گذشتہ دنوں صبح 9:30 سے 10 بجے کے درمیان شیخ عثمان ہائی اسکول میں تنازعہ کرتے ہوئے ملزمین نے فریادی انصاری بلال سے کہا کہ تم ہیڈ ماسٹر کی کرسی پر نہیں بیٹھنا۔ اتنا ہی نہیں ملزم ایک نے ہاتھ کے مکے سے فریادی کے جبڑے پر مارتے ہوئے فریادی کے دانت توڑ کر زخمی کردیا۔ اس کے بعد ملزم دو نے فریادی کو طمانچہ رسید کردیا اور دھمکی بھی دی۔ اس معاملے میں عائشہ نگر پولس اسٹیشن کے تھانہ دار نے ہزار کھولی میں واقع شیخ عثمان ہائی اسکول کے چیئرمین ملزم اخلاق احمد محمد ایوب سمیت دیگر ملزمین پر تعزیرات ہند کی دفعات 504/506/34/326/323/ کے تحت مقدمہ درج کرتے ہوئے کیس نمبر 41/2021 کی تکمیل کی۔

اسی طرح ٹینشن چوک کی ساکن 40 سالہ خاتون نے عائشہ نگر پولیس اسٹیشن میں شکایت درج کرائی کہ شیخ عثمان ہائی اسکول کے ٹیچر انصاری بلال احمد عبدالغفار ساکن مومن پورہ نے گذشتہ دنوں صبح 9 بجے سے 10 بجے کے درمیان شیخ عثمان ہائی اسکول میں ہیڈ ماسٹر کی کرسی پر بیٹھنے کو لیکر تنازعہ کرتے ہوئے شیخ عثمان ہائی اسکول کے ٹیچر ملزم انصاری بلال احمد عبدالغفار نے فریادی کے ساتھ سنگین چھیڑ چھاڑ کی۔ یاد رہے کہ 40 سالہ خاتون فریادی اسکول کے چیئرمین اخلاق ناگا کی بیوی ہے۔ اس شکایت پر عائشہ نگر پولیس اسٹیشن کے تھانے دار نے ملزم کے خلاف 21/354/40/2021  کے تحت معاملہ کا اندراج مکمل کیا۔

واضح ہوکہ یہ تنازعہ شیخ عثمان ہائی اسکول کے ٹیچر اور وہاں کے چیئرمین اور ان کی بیوی کے درمیان ہوا۔ شیخ عثمان ہائی اسکول کے ٹیچر انصاری بلال احمد عبدالغفار نے پہلے شکایت درج کرائی کہ اسکول کے چیئرمین اخلاق ناگا، انکی بیوی اور دیگر ایک نے ان کے ساتھ ماردھاڑ دی۔ اس پر جوابی کارروائی کرتے ہوئے چیئرمین کی 40 سالہ بیوی کی جانب سے اسکول ٹیچر کے خلاف چھیڑ چھاڑ کی کراس شکایت درج کرائی گئی۔ اس معاملے میں پولس تحقیق و تفتیش کررہی ہے۔

البتہ یہ نہایت افسوس کا مقام ہے کہ اب تعلیم گاہوں میں اسطرح کے معاملات عام ہورہے ہیں جوکہ شہر کی شناخت کو داغدار کررہے ہیں۔