حضرت عائشہ، حضرت فاطمہ اور حضرت مریم کی شان میں گستاخی کرنے والے ٹی وی اینکر روہت سردانہ کی کورونا اور ہارٹ اٹیک سے موت

حضرت عائشہ رضی اللہ عنہ کی شان میں گستاخی کرنے والے ٹی وی اینکر کی حضرت عائشہ رضی اللہ عنہ کے وصال کے دن ہوئی موت

نئی دہلی (ہم بھارت )مشہور نیوز اینکر روہت سردانہ کی کورونا پازیٹیو ہونے کے بعد دل کا دورہ پڑنے سے موت واقع ہوگئی۔  روہت سردانہ طویل عرصے سے زی نیوز میں اینکر تھے ، آج تک نیوز چینل میں اینکر کی حیثیت سے کام کر رہے تھے۔  جمعہ کی صبح انہیں دل کا دورہ پڑا ، جس میں ان کا انتقال ہوگیا۔  وہ کورونا وائرس سے بھی متاثر تھے۔  دل کا دورہ پڑنے کے بعد انہیں وینٹیلیٹر پر رکھا گیا تھا، لیکن بچایا نہیں جاسکا۔  سینئر گودی میڈیا صحافی سدھیر چودھری نے ٹویٹ کیا ، 'ابھی تھوڑی دیر پہلے ہی مجھے جتیندر شرما کا فون آیا تھا۔  اس کی بات سن کر میرے ہاتھ کانپ اٹھے۔  ہمارے دوست اور ساتھی روہت سردانہ کی موت کی خبر تھی۔  میں نے سوچا بھی نہیں تھا کہ یہ وائرس ہمارے قریب سے کسی کو اٹھا لے گا۔  میں اس کے لئے تیار نہیں تھا۔ 

یاد رہے روہت سردانہ بھی گودی میڈیا اینکر کے طور پر مشہور تھے۔ ماضی میں 16 نومبر 2017 کو روہت سردانہ نے ایک ٹوئٹ کے ذریعے حضرت عائشہ، حضرت فاطمہ اور حضرت مریم کی شان میں گستاخی کی تھی۔ جس کے بعد ہر مکتبہ فکر کی جانب سے اس کی شدید مخالفت و مذمت کی گئی تھی۔

روہت کو کورونا ہوگیا تھا اور وہ کئی دن سے اسپتال میں زیر علاج تھے۔ اسی دوران 30 اپریل بروز جمعہ کو صبح کے وقت انہیں دل کا دورہ بھی پڑ گیا۔ ڈاکٹروں نے انہیں وینٹیلیٹر پر رکھا لیکن بچانے میں ناکام رہے۔ آج تک نیوز چینل پر روہت "دنگل " نامی شو چلاتے تھے۔

روہت سردانہ کی موت پر مسلم سماج اپنے غم و غصے کا اظہار کررہاہے۔ ایک ٹوئٹ یوزر نے لکھا کہ "اس نے امی عائشہ کی شان میں گستاخی کی تھی اور آج امی عائشہ کے وصال کے دن ہی جہنم رسید ہوا"